DI MARIA KUFANYIWA VIPIMO ASUBUHI HII OLD TRAFORD

                            Angel Di Maria akiwasumbua walinzi wa Barcelona

 

                                                              Mziki wa Di Maria si mchezo 

Manchester United imekubali kulipa ada ya kuvunja rekodi ya usajili wa klabu hiyo ya pauni milioni 59.7,kumsajili winga wa Real Madrid, Angel Di Maria. 

MuAgentina huyo mwenye umri wa miaka , 26,tayari amewasili mjini Manchester kwaajili ya kukamilisha zoezi la vipimo vya afya yake leo jumanne asubuhi,na kama akifaulu zoezi hilo atajiunga na klabu hiyo ya Old Traford ambayo itakuwa imetumia kitita cha jumla ya pauni milioni 132 kwa usajili msimu huu.

Kiasi cha pesa kitakacholipwa na united kumsajili Maria-kinazidi ada aliyosajiliwa nayo mshambuliaji wa Chelsea Fernando Torres,ambapo Chelsea iliilipa Liverpool kiasi cha pauni milioni 50 mwaka 2011.

Usajili wa mwisho wa klabu hiyo wa gharama kubwa ilikuwa wakati ikimsajili mchezaji Rio Ferdinand ambapo united imeilipa klabu ya Leeds kiasi cha pauni milioni 29 mwaka  2002. 

Mpaka sasa Manchester United imeshawasajili beki wa kushoto Luke Shaw,kiungo Ander Herrer pamoja na mchezaji mwenza wa Angel Di Maria toka Argentina-Marco Rojo,ambao wote wameigharimu United kitita cha pauni milioni 72 msimu huu. 

Taarifa zinaripoti kuwa huenda akashuka dimbani jumamosi hii wakati United ikishuka dimbani kukipiga dhidi ya Burnley katika patashika ya ligi kuu ya England.